ՍԵՊՖԱ ուսանողները ԼԱԼՈՒՆՑ խանութ սրահում են
2026-03-10
«Ձեռներեցություն» մոդուլի դասավանդող Անի Հարությունյանի և Կարիերայի կենտրոնի պատասխանատու Անուշ Ստեփանյանի նախաձեռնությամբ ՍԵՊՖԱ-ի «Կարի արտադրության տեխնոլոգիա» մասնագիտության 3-րդ կուրսի ուսանողները այցելեցին «Լալունց» խանութ–սրահ, որի նպատակն էր ուսանողներին ծանոթացնել ձեռներեցության իրական միջավայրին, ներկայացնել արտադրության և վաճառքի կազմակերպման գործընթացը, ինչպես նաև խթանել նրանց հետաքրքրությունը ապագայում ձեռնարկատիրական գործունեությամբ զբաղվելու նկատմամբ։Այցի ընթացքում ուսանողները հնարավորություն ունեցան տեղում դիտելու արտադրամասի աշխատանքը, ծանոթանալու արտադրանքի պատրաստման փուլերին, ինչպես նաև տեսնելու, թե ինչպես է կազմակերպվում պատրաստի արտադրանքի ներկայացումն ու վաճառքը խանութ–սրահում։
